İstanbuldakı terrorda ölənlərin sayı 44-ə çatdı – YENİLƏNİB
Dekabr 10-da Türkiyənin İstanbul şəhərində törədilmiş terror aktları nəticəsində ölənlərin sayı 44-ə çatıb.
1news.az Türkiyə mətbuatına istinadən xəbər verir ki, ölənlərdən 36-sı polis əməkdaşı, 8-i isə mülki vətəndaşdır.
Hazırda 149 yaralı var. Onların müalicəsi davam etdirilir.
Qeyd edək ki, terrorla əlaqəsi olduğu ehtimal edilən 13 nəfər saxlanılıb. Daha 8 nəfər isə sosial şəbəkələrdə terroru dəstəkləyən mesajlar yazdıqları üçün saxlanılıblar.
12:06
Dekabrın 10-da İstanbul şəhərində baş verən terror hadisəsində ölənlərin sayı 41-ə yüksəldi.
1news.az Türkiyə mətbuatına istinadən xəbər verir ki, dünən axşama qədər şəhid sayı 38 olsa da, yaralı olan 155 nəfərdən daha 3-ü xəstəxanada dünyasını dəyişib.
Beləliklə, şəhid sayı 41-ə yüksəlib. Onlarda 33-ü polis əməkdaşıdır.
Qeyd edək ki, terror hadisəsi futbol üzrə Türkiyə Superliqasında “Beşiktaş” və “Bursaspor” arasındakı oyundan sonra baş verib.
Hadisəni PKK terror təşkilatının bir qolu olan TAK öz üzərinə götürüb.
Fərid Ədalət
