Millimiz İrlandiya, Ukrayna və Bolqarıstanla eyni qrupda
2018-ci ildə keçiriləcək 17 yaşadək futbolçular arasında Avropa çempionatının seçmə mərhələsinin püşkatma mərasimi keçirilib.
1news.az-ın məlumatına görə, İsveçrənin Nyon şəhərində keçirilən tədbirdə 52 komanda 13 qrupa bölünüb.
Azərbaycan millisi 11-ci qrupda yer alıb. Millimiz İrlandiya, Ukrayna və Bolqarıstanla mübarizə aparacaq.
Bu mərhələnin qarşılaşmaları 2017-ci ilin payızında keçiriləcək. Noyabrın 19-dək yekunlaşmalı olan mərhələdə hər qrupda ilk iki yeri tutanlar, həmçinin “üçüncülər” arasında ən yaxşı nəticəyə malik 4 komanda elit-raunda vəsiqə qazanacaq.
1news.az
700
