Qorxunc qəza: nənə və nəvəsi yük maşınının altında qaldı – VİDEO
Yolu keçmək istəyən nəvə və iki nəvəsi yük avtomobilinin altında əzildi.
1news.az Türkiyə mətbuatına istinadən xəbər verir ki, hadisə İstanbulun Sarıyer rayonunda baş verib.
Hatice Aluç adlı qadın Yaren və Yusuf adlı iki nəvəsi ilə yolu keçmək istəyərkən yaxınlaşan yük avtomobilinin dayanacağını zənn edib. Lakin, sürücü sol tərəfə baxdığı üçün onları gec görüb və artıq gec olub. Nənə və iki nəvəsi tonlarla ağırlığındakı maşının altında qalıblar.
Ətrafdakıların köməkliyi ilə avtomobilinin altından çıxarılan nənə və 5 yaşlı Yaren dərhal xəstəxanaya çatdırılıb. Hatice Aluç əməliyyat edilib. Vəziyyəti ağırdır.
Həkimlərin bütün cəhdlərinə baxmayaraq Yarenin həyatını isə xilas etmək mümkün olmayıb.
Qadının digər nəvəsi Yusuf isə ciddi xəsarət almadan xilas edilib.
Yük avtomobilinin sürücüsü Erdal Yavuz polisə təslim olub.
Fərid Ədalət
