Millimiz Litva, Qazaxıstan və Slovakiya yığmaları ilə qarşılaşacaq

Yanvarda Rusiyada keçiriləcək Valentin Qranatkinin xatirəsinə həsr olunmuş turnirin təqvimi müəyyənləşib.

1news.az-ın məlumatına görə, mötəbər yarışda ölkəmizin 17 yaşadək futbolçulardan ibarət milli komandası da iştirak edəcək.

C qrupunda yer alan komandamız ilk oyununu yanvarın 9-da Litva komandasına qarşı keçirəcək.

Komandamız iki gündən sonra Qazaxıstanla münasibətlərinə aydınlıq gətirəcək. Yığmamız qrupdakı son sınağını isə yanvarın 13-də Slovakiyaya qarşı verəcək.

Azərbaycan millisi qrupu ilk iki pillədə tamamlasa, yanvarın 16-da 1/4 final oyununa çıxacaq. Turnirin yarımfinal görüşləri yanvarın 18-də, final matçı isə 21-də baş tutacaq.

C qrupunun təqvimi

9 yanvar

13:00. Litva – Azərbaycan

15:15. Slovakiya – Qazaxıstan

11 yanvar

13:00. Qazaxıstan – Azərbaycan

15:15. Slovakiya – Litva

13 yanvar

13:00. Litva – Qazaxıstan

15:15. Azərbaycan – Slovakiya

Qeyd: Başlama saatları Bakı vaxtı ilə göstərilib.

1news.az