Ölkə kubokunda yarımfinalçılar məlum oldu
Bu gün Azərbaycan kubokunda 1/4 final mərhələsinin cavab oyunları keçirilib.
1news.az-ın məlumatına görə, baş tutan 4 qarşılaşmadan sonra yarımfinalda mübarizə aparacaq klubların adları məlum olub.
Günün ilk oyunu Gəncədə baş tutub. Səfərdə “İnter”ə 0:2 hesabı ilə məğlub olan “Kəpəz” doğma azarkeşləri önündə rəqibindən revanş almağa çalışsa da, bunu bacarmayıb. Belə ki, görüş qolsuz bərabərliklə başa çatıb.
Günün ikinci qarşılaşması isə Sumqayıtda oynanılıb. İlk oyunda eyniadlı komandanın qapısından 6 cavabsız top keçirən “Qarabağ” cavab görüşündə də sevinən tərəf olub – 5:2.
Ən çox maraq doğuran qarşılaşma isə “AZAL Arena”da keçirilib. İlk oyunda səfərdə “Qəbələ”yə 1:2 hesabı ilə məğlub olan AZAL cavab görüşündə də məğlub olub - 1:0.
İlin son qarşılaşması paytaxtda baş tutub. İlk oyunda “Zirə”ni 3:0 hesabı ilə darmadağın edən “Neftçi” cavab görüşündə 1:2 hesabı ilə uduzsa da, iki oyunun nəticəsinə görə sevinən tərəf olub.
Beləliklə, “İnter”, “Qəbələ”, “Qarabağ” və “Neftçi” mübarizəni yarımfinalda davam etdirəcək.
Azərbaycan kuboku
1/4 final, cavab qarşılaşmaları
21 dekabr (çərşənbə)
AZAL – “Qəbələ” - 0:1
Qol: Asif Məmmədov, 53
Hakimlər: Fariz Yusifov, Yaşar Abbasov, Elman Musayev, Mehman Mahmudov
Əlavə köməkçi hakimlər: Rəvan Həmzəzadə, İnqilab Məmmədov
AFFA nümayəndəsi: Elbrus Abbasov
Hakim-inspektor: Əli Hüseynov
İlk oyun – 1:2
“AZAL Arena”
“Neftçi” – “Zirə” - 1:2
Qollar: Rahil Məmmədov, 40 - Milan Duriç, 32, Tural Cəlilov, 85
Hakimlər: Ramil Diniyev, Azər Əsgərov, İsgəndər Əliyev, Ziya Nəsirov
AFFA nümayəndəsi: Ramiz Mustafayev
Hakim-inspektor: Asim Xudiyev
İlk oyun – 3:0
8-ci km qəsəbə stadionu
“Kəpəz” – “İnter” - 0:0
Hakimlər: Rəhim Həsənov, Vaqif Musayev, Akif Əmirəli, Vüsal Qənbərov
Əlavə köməkçi hakimlər: Əliyar Ağayev, Elvin Əsgərov
AFFA nümayəndəsi: Abas Hüseynov
Hakim-inspektor: Rövşən Əhmədov
İlk oyun – 0:2
Gəncə şəhər stadionu
“Sumqayıt” – “Qarabağ” - 2:5
Qollar: Amil Yunanov, 14, 80 - Namiq Ələsgərov, 8, 16, 82, Vüqar Nadirov, 70; Rahid Əmirquliyev, 90
Hakimlər: Rauf Cabbarov, Coşqun Həsənov, Cavanşir Yusifov, Rövşən Rəcəbov
AFFA nümayəndəsi: Məmmədəli Məmmədov
Hakim-inspektor: Füzuli Nəcəfov
İlk oyun – 0:6
Sumqayıt şəhər stadionu
1news.az
