Karlos Teves dünyanın ən yüksək ödənişlı futbolçusu oldu

Çinin “Şanxay Şenxua” futbol klubuna keçən argentinalı ulduz Karlos Teves dünyanın ən yüksək ödənişli futbolçusu olub.

1news.az-ın məlumatına görə, 32 yaşlı hücumçu həftəyə 615 min funt sterlinq qazanmaqla həftəyə 365 min funt sterlinq qazanan Kriştiano Ronaldonu geridə qoyub.

Son klubu “Boka Xuniors”da 10 oyuna 4 qol vuran Tevesin aktivində 6 məhsuldar ötürməsi də var. Karyerası ərzində “Korintians”, “Mançester Yunayted”, “Mançester Siti”, “Vest Hem” və “Yuventus”da da çıxış edən Teves Argentina millisində 76 matçda 13 qol vurub.

1news.az