AVRO-2020-nin sonuncu loqotipi təqdim edilib
AVRO-2020-nin final mərhələsinin sonuncu loqotipi təqdim olunub.
1news.az-ın məlumatına görə, yarışa ev sahibliyi edəcək 13 şəhərdən biri olan Sankt-Peterburq təqdimat mərasimi keçirən sonuncu şəhər olub.
Tədbirdə UEFA-nın prezidenti Aleksander Çeferin, Rusiyanın baş nazirinin müavini Vitali Mutko, şəhərin qubernatoru Georgi Poltavçenko və digər qonaqlar iştirak ediblər.
Bütün loqolarda olduğu kimi Sankt-Peterbuqun rəmzində də körpü əks olunub. Neva sahilində bu rəmz Dvortsovski körpüsüdü. Bu, ölkələr və azarkeşlər arasında birliyi əks etdirir.
Qeyd edək ki, Sankt-Peterburqla yanaşı, Bakı, Amsterdam, London, Buxarest, Budapeşt, Roma, Münhen, Brüssel, Qlazqo, Kopenhagen, Dublin və Bilbao da AVRO-2020-yə ev sahibliyi edəcək.
1news.az
