Ronaldonun halı pisləşdi, “Lamborghini”sini evakuator apardı – FOTO

“Real”ın ulduz futbolçusu Kristiano Ronaldo İspaniya La Liqasının 19-cu turu çərçivəsində “Malaqa” ilə keçirilən (2:1) oyundan sonra xoşagəlməz hadisə ilə qarşılaşıb.

1news.az xəbər verir ki, portuqaliyalı futbolçu qarşılaşmadan sonra sevgilisi ilə birlikdə evə gedərkən özünü yaxşı hiss etməyib.

Ayağında ağrılar hiss edən 31 yaşlı hücumçu maşını idarə etmək gücündə olmayıb və təcili tibbi yardıma ehtiyac duyub. Nəticədə o, evə ambulansla yollanmalı olub.

Ronaldonun “Lamborghini” markalı avtomobili isə evakuator vasitəsi ilə daşınıb.

1news.az