İsmayıllı sakinləri narkotik maddəyə görə saxlanıldılar

İsmayıllı rayonunda narkotik maddə satan və alan şəxslər saxlanılıb.

1news.az-ın Daxili İşlər Nazirliyinə istinadən verdiyi xəbərə görə, İsmayıllı RPŞ əməkdaşları tərəfindən şəhər sakini, əvvəllər məhkum olunmuş İlyas Vahabovun Qalınçaq kəndində işlətdiyi kafeyə baxış zamanı 43,26 qram marixuana aşkar edilərək götürülüb.

Davam etdirilən əməliyyat tədbirləri ilə həmin narkotik vasitəni ona satan Topçu kənd sakini Ədalət Babayev müəyyən edilib. Onun evinə baxış zamanı 657,69 qram marixuana aşkar edilərək götürülüb.

1news.az