“Zirə” gürcüstanlı futbolçu ilə müqavilə imzalayıb
“Zirə” heyətini daha bir futbolçu ilə gücləndirib.
1news.az-ın klubun rəsmi saytına istinadən yaydığı xəbərə görə, gürcüstanlı mərkəz yarımmüdafiəçisi Giorgi Qoroziya bu gün paytaxt təmsilçisinin sıralarına qoşulub. 22 yaşlı futbolçu ilə mövsümün sonuna qədər müqavilə imzalanıb.
Qoroziya “Zirə”yə Norveç çempionatının güclülər dəstəsində çıxış edən “Stabek” klubundan gəlib.
Qeyd edək ki, 2014-cü ildən “Stabek”də çıxış edən yarımmüdafiəçi daha öncə vətənində Tbilisinin “Lokomotiv” və Kutaisinin “Torpedo” klubunda forma geyib. Giorgi həmçinin, Gürcüstanın U-17, U-19 və U-21 yığmalarında oynayıb. O, 2012-ci ildə Gürcüstanın U-17 komandası ilə Avropa Çempionatının yarımfinalına qədər yüksəlib.
1news.az
612
