İqdırda avtobus qəzasında ölən azərbaycanlılardan daha birinin adı məlum olub – YENİLƏNİB

Naxçıvan-İqdır avtomobil yolunda baş vermiş qəza nəticəsində ölən azərbaycanlılardan daha birinin adı məlum olub

APA-nın əldə etdiyi məlumata görə, bu, Zivər Səfərovadır.

18:32

Naxçıvan-İqdır avtomobil yolunda baş vermiş qəza nəticəsində ölən azərbaycanlılardan ikisinin adı məlum olub.

1news.az APA-ya istinadən xəbər verir ki, bunlar Fərhad Fərhadlı və Süleyman Əliyevdir. 

Qeyd edək ki, qəzada 8 nəfər dünyasını dəyişib ki, onlardan da 5-i Azərbaycan vətəndaşıdır.

14:04

Bu gün səhər saatlarında Türkiyə və Naxçıvan arasındakı Dilucu sərhəd-keçid məntəqəsi yaxınlığındakı yolda ağır yol qəzası baş verib.

1news.az APA-ya istinadən xəbər verir ki, qəzada ümumilikdə 8 nəfər ölüb.

Onlardan neçəsinin azərbaycanlı olduğu dəqiqləşdirilir.

Hazırda Azərbaycanın Qarsdakı baş konsulu və konsulluğun əməkdaşları Türkiyənin müvafiq orqanları ilə əlaqəli şəkildə yaralılara dəstək və yardım göstərirlər. Baş konsul özü də xəstəxanadadır.

Qeyd edək ki, qəzaya səbəb havanın dumanlı olması və ötmə əməliyyatının düzgün yerinə yetirilməməsi olub.

1news.az