Azərbaycanla Serbiya arasında yoldaşlıq oyunu keçiriləcək

AFFA-nın baş katibi Elxan Məmmədov Serbiya Futbol Federasiyasının prezidenti Slavişa Kokeza ilə görüşüb.

1news.az-ın AFFA-nın rəsmi saytına istinadən yaydığı xəbərə görə, görüşdə AFFA ilə Serbiya Futbol Federasiyası arasında əməkdaşlıq, Elxan Məmmədovun UEFA-nın İcraiyyə Komitəsinin üzvlüyünə namizədliyi barədə fikir mübadiləsi aparılıb.

Bundan başqa, iki ölkənin aşağı yaş qruplarından ibarət yığma komandaları arasında yoldaşlıq oyunlarının təşkili ilə bağlı razılıq əldə olunub. 

1news.az