Futbol üzrə Azərbaycan millisi 2017-ci ildə ilk yoxlama oyununda qalib gəlib

Futbol üzrə Azərbaycan milli komandası 2017-ci ildə ilk yoxlama oyununu keçirib.

Robert Prosineçkinin baş məşqçilik etdiyi kollektiv Qətər yığmasının qonağı olub.

Doha şəhərində "Əl-Sədd" stadionunda keçən görüş Azərbaycan yığmasının qələbəsi ilə yekunlaşıb - 2:1. Hər 3 qol fasilədən sonra vurulub. 53-cü dəqiqədə Tərlan Quliyev hesabı açıb. Bundan 3 dəqiqə sonra meydan sahibləri bərabərlik qolunu vurub. Lakin 63-cü dəqiqədə Araz Abdullayev oyunda son nöqtəni qoyub.

AZƏRTAC