UEFA AFFA-ya 1 milyon avro vəsait ayıracaq

UEFA ona üzv olan bütün milli assosiasiyaların hər birinə 1 milyon avro əlavə vəsait ayıracaq.

1news.az-ın məlumatına görə, bunu Finlandiyanın paytaxtı Helsinkidə keçirilən UEFA-nın 41-ci Konqresində qitə futbol qurumunun prezidenti Aleksandr Çeferin bildirib:

“Hər bir assosiasiyaya cari tsikl üçün əlavə olaraq, 1 milyon avro ayıracağıq. Belə ödənişlər UEFA-nın yaxşı maliyyə nəticələri və uğurlu turnirlər sayəsində mümkün oldu”.

Qeyd edək ki, UEFA-nın tərkibinə 55 milli assosiasiya, o cümlədən AFFA daxildir.

1news.az