Nazarov əvəzləndi, komandası məğlub oldu

Millimizin üzvü Dmitri Nazarovun çıxış etdiyi “Aue” Almaniyanın 2-ci bundesliqasında növbəti oyununu keçirib.

1news.az-ın məlumatına görə, komanda 29-cu turda səfərdə “Nürnberq”lə qarşılaşıb və 1:2 hesabı ilə məğlub olub.

Matça start heyətində başlayan D.Nazarov 67-ci dəqiqədə əvəzlənib. Marqalıdı ki, komandası məğlubiyyət qolunu məhz Nazarov oyundan çıxdıqdan sonra buraxıb.

Qeyd edək ki, 29 oyundan sonra aktivində 32 xal olan “Aue” turnir cədvəlinin 15-ci pilləsində qərarlaşıb. 

1news.az