Kadırovdan sərt qərar: Terrorçuların qohumları Çeçenistandan qovulacaq

Çeçenistan rəhbəri Ramzan Kadırov terrorçu qohumlarına yardım edən insanların ölkədən qovulacağını deyib.

1news.az-ın Rusiya mətbuatına istinadən verdiyi xəbərə görə, o bu barədə yerli “Russia Today” televiziyasına açıqlamasında deyib.

“Əgər kiminsə, oğlu ya qardaşı terrorçudursa, onun özü isə evdə işsiz kimi oturub dövlətdən yardım alırsa, qohumuna bizi öldürməkdə yardım edirsə, belə insanlar ölkədən qovulacaq. Onlar terrorizmlə əlbirdirlər” – deyə çeçen lider deyib.

Kadırov bundan sonra respublika rəhbərliyinin gənclərin tərbiyəsinə və terrorla mübarizəyə xüsusi diqqət ayırdığını da vurğulayıb.

Babək Cahandarov