Ermənistanda rusiyalı hərbçinin qətlində şübhəli bilinən şəxs saxlanılıb-Yenilənib/Video
Ermənistanın Gümrü şəhərindəki Rusiyaya məxsus 102 saylı hərbi hissənin əsgərinin qətlində şübhəli bilinən şəxs saxlanılıb.
1news.az-ın məlumatına görə, bu barədə RİA Novosti bölgə prokurorluğuna istinadən xəbər yayıb. Prokuror Karen Qabrielyan bildirib ki, qətli törətməkdə şübhəli bilinən şəxs saxlanılıb.
20:10
Ermənistanın Gümrü şəhərində Rusiyanın 102-ci hərbi bazasına yaxın ərazidəki mağazanın qarşısında rusiyalı əsgərinin meyiti tapılıb.
1news.az “news.am”a istinadən xəbər verir ki, hadisə ilə bağlı cinayət işi açılıb.
Öldürülən şəxsin kimliyi müəyyən edilib. O, müqavilə əsasında xidmət edən 21 yaşlı Dmirti Yalpayevdir.
Hərbçinin meyitinin üzərində kəsilmiş-deşilmiş xəsarətlər müəyyənləşdirilib.
Pərvanə Sultanova
