Uber uçan maşınlarla xidmət göstərəcək – FOTO

Şəxsi avtomobil sahibləri üçün mobil tətbiq vasitəsilə taksi xidməti göstərməsinə imkan verən Uber şirkəti daha bir yeniliyə imza atıb.

1news.az-ın Anadolu-ya istinadla verdiyi xəbərə görə, şirkət Aurora Flight Sciences adlı firma ilə texnologiyanı inkişaf etdirmək üçün müqavilə imzalayıb.

Bu texnologiya vasitəsilə elektriklə çalışan və şaquli eniş edən hava daşıyıcısı olan “uçan avtomobillər” əldə edəcək. Uber 2020-ci ilədək bu cür 50 ədəd uçan maşın alacağını da qeyd edib.

Uber-in mühəndislik üzrə direktoru Mark Mur vurğulayıb ki, şirkət bu texnologiya vasitəsilə dünya nəqliyyat sisteminin yaxşılaşdırılmasına xidmət edəcək.

S.Xankişiyeva