Türkiyə XİN Çexiyanın qondarma “erməni soyqırımı”nı tanımasına sərt reaksiya verib
Türkiyənin Xarici İşlər Nazirliyi (XİN) Çexiya parlamentinin Deputatlar Palatasının “1915-ci il hadisələrini” (qondarma “erməni soyqırımı”nı) tanımasını şiddətlə qınayır və qəbul etmir.
1news.az-a Türkiyə XİN-in mətbuat xidmətinə istinadla verdiyi xəbərə görə, bununla bağlı nazirlik Çexiya prezidenti Milos Zemana müraciət ünvanlayıb:
“Dövlət başçısı Zeman məktubunda bir tərəfdən tarixin siyasətçilər tərəfindən araşdırılmamasının vacibliyini vurğulayır. Belə ki, siyasəçilər şəxsi mənfəətlərinə görə, tarixi hadisələri təhrif edə bilərlər. Keçmişi tarixçilər araşdırmalıdır bildirdiyi halda, digər tərəfdən də 1915-ci il hadisələrinə siyasi qiymət verib”.
Həmçinin Türkiyə XİN tarixi həqiqətlər və hüquq prinsiplərinə zidd olan bu mövzu ilə əlaqədar reaksiyasını Çexiyanın Ankarada yerləşən səfirliynə də bildirilib.
Mövzu ilə əlaqədar oxuyun:
Çexiya qondarma "erməni soyqırımı"nı tanıyıb
S.Xankişiyeva
