İŞİD-in Əfqanıstandakı lideri öldürülüb

İŞİD terror qruplaşmasının Əfqanıstan lideri Abdul Hasib ölkənin şərqində yerləşən  Nangarhar vilayətində öldürülüb. 

1news.az “Anadolu” agentliyinə istinadən xəbər verir ki, ölkə rəhbərinin informasiya ofisinin yaydığı açıqlamada Hasibin əfqan xüsusi qüvvələri tərəfindən 10 gün əvvəl həyata keçirilən əməliyyat nəticəsində məhv edildiyi vurğulanıb.

Hasib mart ayında Kabildəki bir hərbi xəstəxanaya edilən hücumda məsuliyyət daşıyıb.

Məlumatda ölkə daxilində terror təşkilatlarına  istiqamətlənən əməliyyatların davam etdiyi və yüzlərlə terrorçunun öldürüldüyü də qeyd olunub.

Pərvanə Sultanova