Ərdoğan yenidən AKP sədri seçilib

Bu gün Ankara keçirilən Ədalət və İnkişaf Partiyasının (AKP) növbədənkənar qurultayında Türkiyə Prezidenti Rəcəb Tayyib Ərdoğan 998 günlük fasilədən sonra yenidən partiyanın sədri seçilib.

1news.az-ın məlumatına görə, gizli səsvermədə Prezident Ərdoğanın namizədliyini 1414 nümayəndə dəstəkləyib.

Növbədənkənar qurultay Rəcəb Tayyib Ərdoğanın partiya rəhbəri seçilməsi üçün keçirilib.

Türkiyə lideri bu il aprelin 16-da keçirilən Konstitusiyaya əlavə və dəyişikliklərlə bağlı referendumun nəticələri elan olunduqdan sonra AKP sədrliyinə qayıtmaq barədə qərar verib.

Qeyd edək ki, Rəcəb Tayyib Ərdoğan partiyanın sədri postundan 2014-cü ilin avqustunda istefa vermişdi.

1news.az