XİN: Britaniyadakı partlayışda ölən və yaralananlar arasında azərbaycanlıların olması araşdırılır
Azərbaycanın Böyük Britaniyadakı səfirliyi Mançester şəhərində baş vermiş partlayışda ölən və yaralananlar arasında Azərbaycan vətəndaşlarının olmasını yerli orqanlar vasitəsilə araşdırır.
1news.az-ın verdiyi xəbərə görə, bunu XİN-nin mətbuat xidmətinin rəhbəri Hikmət Hacıyev bildirib.
“Hər hansı xəbər olduğu təqdirdə əlavə məlumat veriləcək”.
Qeyd edək ki, İngiltərənin Mançester şəhərində, "Mançester Arena" stadionunda amerikalı müğənni və aktrisa Ariana Qrandenin konserti zamanı iki güclü partlayış baş verib. Partlayış nəticəsində 19 nəfər həlak olub, 59 nəfər isə yaralanıb.
Mövzu ilə əlaqədar oxuyun:
Mançesterdə konsertdə partlayış: Çox sayda ölən və yaralanan var – FOTO – VİDEO
Mey Mançesterdəki partlayışları “dəhşətli terror” adlandırıb
S.Xankişiyeva
