Myanmada radarlardan itən təyyarənin parçaları dənizdə aşkarlanıb

Bu gün Myanmada radarlardan itən hərbi təyyarənin parçaları Andaman dənizində aşkarlanıb.

1news.az-ın AZƏRTAC-a istinadla verdiyi xəbərə görə, xilasedicilər təyyarənin qırıntılarını Tavoy şəhərindən 218 kilometr aralıda aşkarlayıblar. Hazırda axtarış-xilasetmə əməliyyatlarının davam etdiyi bildirilir.

Xatırladaq ki, göyərtəsində hərbçi ailələrinin üzvlərindən ibarət 106 sərnişinin və 11 ekipaj üzvünün olduğu təyyarə Myanmanın cənub sahilində yerləşən Mıey şəhərindən Yanqona uçurdu. Təyyarə ilə əlaqə yerli vaxtla saat 13:35-də kəsilmişdi.

Axtarış-xilasetmə əməliyyatlarına dəniz gəmiləri və aviasiya da cəlb edilib.

S.Xankişiyeva