İran parlamentində atışma, ölən və yaralılar var - YENİLƏNİB
İran parlamentində atışma nəticəsində ən az iki nəfər yaralanıb.
1news.az Tasnim-ə istinadla xəbər verir ki, üç silahlı şəxs parlamentə daxil olaraq mühafizəçiləri yaralayıb.
Şahidlərin bildirdiyinə görə, atışma davam edir. Məlumata görə, güllə yarası almış mühafizəçilər dünyasını dəyişib.
Atəşin parlamentdə jurnalistlər üçün ayrılmış bölmədə açıldığı bildirilir.
10:32
İran İslam Respublikasının parlamentində atışma olub.
1news.az Tasnim agentliyinə istinadla xəbər verir ki, hadisə nəticəsində bir nəfər ayağından yaralanıb.
Məlumata görə, hazırda parlamentdə atışma səsləri eşidilir. Hələlik atəş açanın kimliyi bəlli deyil.
O da vurğulanıb ki, silahlı şəxs bir neçə nəfəri girov götürüb, atışma davam edir.
Pərvanə Sultanova
