“Zirə”dən uğurlu debüt, “İnter”dən darmadağın – VİDEO
Dünən axşam Avropa Liqasında çıxış edən iki klubumuz – “Zirə” ilə “İnter” ilk oyunlarına çıxıblar.
1news.az-ın məlumatına görə, ilk olaraq mübarizəyə Avropa Liqasının I təsnifat mərhələsində çıxış edən “Zirə” qoşulub.
“Dalğa Arena”da keçirdiyi qitə miqyasında ilk oyununda Lüksemburq təmsilçisi “Differdanj”la qarşılaşan paytaxt təmsilçisi debütünü qələbə ilə qeyd edib – 2:0.
Dünən meydana çıxan Avroliqa təmsilçilərimizdən “İnter” isə səfərdə Serbiyanın “Mladost” klubunun qonağı olub.
Zaur Svanadzenin yetirmələri rəqibinin qapısından 3 cavabsız top keçirərək cütün taleyini demək olar ki, həll edib.
Avropa Liqası
I təsnifat mərhələsi, ilk oyun
29 iyun
“Zirə” (Azərbaycan) – “Differdanj” (Lüksemburq) - 2:0
Qollar: Qadze, 22, Belfort, 80
Baş hakim: Daniyar Saxi
Baş hakimin köməkçiləri: Yuri Tixonyuk, Alibek Aubakirov
Dördüncü hakim: Marat İskakov (hamısı Qazaxıstan)
Hakim-inspektor: İqor Satki (Moldova)
UEFA nümayəndəsi: Cem Cenk (Türkiyə)
Bakı. “Dalğa Arena”
“Mladost” (Serbiya) – “İnter” (Azərbaycan) - 0:3
Qollar: Skarlatake, 23, 41, Rauf Əliyev, 76
Baş hakim: Aleksey Matyunin
Baş hakimin köməkçiləri: Anton Kobzev, Aleksey Lunyov
Dördüncü hakim: Yevgeni Turbin (hamısı Rusiya)
Hakim-inspektor: Bernardino Qonzales Vaskes (İspaniya)
UEFA nümayəndəsi: Paolo Rondelli (San-Marino)
Luçani. “Mladost” stadionu
Babək Cahandarov
