“Şahdağ”ın yetirməsi “Dostluq üçün futbol” layihəsinin qalibi olub - FOTO - VİDEO

Qusarın “Şahdağ” futbol klubunun yetirməsi Rəvan Kazımov Sankt-Peterburqda “Dostluq üçün futbol” layihəsinin beşinci mövsümü çərçivəsində keçirilən turnirin qalibi olub.

1news.az-ın verdiyi xəbərə görə, 12 yaşlı futbolçu Sinqapur, İspaniya, Boliviya, Bolqarıstan, Argentina, Çexiya və Liviyadan olan yeniyetmələrlə bir komandada oynayıb. Sloveniyadan olan məşqçi komandaya rəhbərlik edib. Komanda şərti olaraq “Narıncı” adına layiq görülüb.

Final oyununda Narıncı Bənövşəyi komandasını 4:3 hesabı ilə məğlub edib. Bütün iştirakçılar Rusiyanın Futbol İttifaqı tərəfindən medal, diplom və xüsusi mükafata layiq görülüb.

Oyunlar dostluq və bərabərlik şüarı altında keçirilib. Turnir öz bayrağı altında 64 ölkədən olan futbolçuları toplayıb. 12 yaşlı oğlan və qızlar 8 beynəlxalq dostluq yığmasını birləşdirirdi. Layihənin növbəti iştirakçıları olan gənc mütəxxəsislər məşqçi rolunu oyanırdı.

Qeyd edək ki, “Dostluq üçün futbol” layihəsi “Qazprom”un dəstəyilə 2013-cü ildən keçirilir. Layihə dünyanın müxtəlif millətləri, müxtəlif yaşlarında və müxtəlif fiziki imkanlarında olan gəncləri birləşdirir. Layihənin məqsədi – uşaq futbolunu inkişaf etdirərək uşaqlarda digər xalqlar və mədəniyyətlərə etiram və tolerantlığı tərbiyə etməkdir.

İştirakçıların dəstəkləyib irəliyə apardığı əsas dəyərlər – dostluq, bərabərlik, ədalət, sağlamlıq, sülh, sədaqət, qələbə, ənənələr və şərəfdir.

Tərcümə: S.Xankişiyeva