“İnter” və “Zirə” Avropa Liqasının II təsnifat mərhələsinə vəsiqə qazanıb

Bu gün Avropa Liqasında birinci təsnifat mərhələsinin cavab görüşləri keçirilib.

1news.az xəbər verir ki, Bakı “İnter”i öz meydanında “Mladost”la qarşılaşıb. Görüşdə komandamız 2:0 hesablı qələbə qazanıb. İlk oyunda da 3:0 hesablı qələbə qazanan “İnter” növbəti mərhələyə vəsiqə qazanıb.

Zaur Svanadzenin komandası Avroliqanın ikinci təsnifat mərhələsində Lüksemburqun “Fola” klubu ilə qarşılaşacaq.

Avropa Liqası

I təsnifat mərhələsi, cavab oyunu

6 iyul

“İnter” (Azərbaycan) – “Mladost” (Serbiya) - 2:0

Qollar: Denis Silva, 23, Nizami Hacıyev, 74

Qırmızı vərəqə: Pejoviç, 45+1 (“Mladost”)

Digər görüşdə tarixində ilk dəfə avrokuboklarda mübarizə aparan “Zirə” səfərdə Lüksemburq “Differdanj”ı ilə qarşılaşıb. Evdə 2:0 hesablı qələbəyə sevinən Ayxan Abbasovun yetirmələri bu dəfə də qalib gəlib - 2:1.

Bununla da “Zirə” Avroliqanın ikinci mərhələsinə vəsiqə qazanıb. Burada onların rəqibi Rumıniyanın “Astra” klubu olacaq.

“Differdanj” (Lüksemburq) – “Zirə” (Azərbaycan) - 1:2

Qollar: Vandenbrok, 11 - Manqa, 64, Qadze, 68

1news.az