“Neftçi” “Şalke”yə məğlub oldu

Avstriyada təlim-məşq toplanışında olan “Neftçi” bu gün ölkə xaricində ilk yoxlama oyununa çıxıb.

1news.az-ın məlumatına görə, “ağ-qaralar” Almaniya Bundesliqa təmsilçisi “Şalke” ilə qarşılaşıb. Görüş komandamızın 1:0 hesablı məğlubiyyəti ilə başa çatıb.

Qeyd edək ki, “Neftçi” iyulun 30-u Birləşmiş Ərəb Əmirliyinin “Əl-Ain” klubu, avqustun 2-i isə Almaniya “Herta”sı ilə yoxlama görüşü keçirəcək.

Yoxlama görüşü

26 iyul

“Neftçi” (Azərbaycan) - “Şalke” (Almaniya) - 0:1

Qol: Tekbeti, 27

1news.az