“Qəbələ” “Panatinaikos”a qarşı

Bu gün Avropa Liqasının III təsnifat mərhələsində cavab oyunları davam edəcək.

1news.az-ın məlumatına görə, mübarizəni bu turnirdə davam etdirən yeganə təmsilçimiz “Qəbələ” də meydana çıxacaq.

Roman Qriqorçukun yetirmələri Bakıda Yunanıstanın “Panatinaikos” klubunu qonaq edəcək.

Bir həftə əvvəl səfərdə minimal hesabla məğlub olan komandamızın qalib gəlmək şansları yüksək qiymətləndirilir.

2 il əvvəl “Panatinaikos”u pley-offda səfər qolu ilə keçən (0:0,2:2) “qırmızı-qaralar” evdəki uğurlu seriyasını davam etdirməyə çalışacaq.

Qazanılacaq qələbə də “qırmızı-qaralar” üçün əlamətdar olacaq. Avrokuboklar tarixində 9 dəfə qalib gələn təmsilçimiz 10-cu uğurunun astanasındadı. Yubiley qələbəsi ilə mərhələ adlayacaq komandamız tarixində 3-cü dəfə qrupda oynamağa bir adım da yaxınlaşacaq.

Avropa Liqası

III təsnifat mərhələsi, cavab oyunu
3 avqust

21:00. “Qəbələ” (Azərbaycan) – “Panatinaikos” (Yunanıstan)

Baş hakim: Kreyq Pauson
Baş hakimin köməkçiləri: Li Betts, Adam Nunn
Dördüncü hakim: Kevin Friend (hamısı İngiltərə)
Hakim-inspektor: Laslo Vaqner (Macarıstan)
UEFA nümayəndəsi: Aloyziye Şupraha (Xorvatiya)
Bakı. 8-ci km qəsəbə stadionu
İlk oyun – 0:1

Babək Cahandarov