Azərbaycan Premyer Liqasında ilk turun oyun cədvəli açıqlanıb
Bu həftə Topaz Premyer Liqasında 2017/2018-ci illər mövsümü start götürəcək.
1news.az-ın Peşəkar Futbol Liqasına istinadən verdiyi xəbərə görə, üç günü əhatə edəcək ilk turun bütün görüşləri “CBC Sport” kanalı vasitəsilə canlı yayımlanacaq.
Çempionata və ilk tura avqustun 11-də “Bakcell Arena”da paytaxtın “Neftçi” komandası ilə Ağdamın “Qarabağ” klubunun görüşü ilə start veriləcək.
Avqustun 12-də “İnter” “Qəbələ” ilə üz-üzə gələcək. Bir gün sonra isə “Zirə” debütant “Səbail”i, “Sumqayıt” isə “Kəpəz”i qonaq edəcək.
Topaz Premyer Liqası
I tur
11 avqust (cümə)
“Neftçi” – “Qarabağ”
“Bakcell Arena”, 21:00
12 avqust (şənbə)
“İnter” – “Qəbələ”
“İnter Arena”, 20:00
13 avqust (bazar)
“Zirə” – “Səbail”
Zirə İdman Kompleksinin stadionu, 19:00
“Sumqayıt” – “Kəpəz”
“Kapital Bank Arena”, 21:00
Babək Cahandarov
