Azərbaycanlı aktyor xərçəng xəstəsi olan həyat yoldaşını “öldürdü” – FOTO

“Maşın” şounun qalmaqallı iştirakçısı, aktyor Səbuhi Xanlarov bu gün PrimeTime.Az saytı ilə əlaqə saxlayaraq həyat yoldaşının uzun sürən xərçəng xəstəliyindən sonra vəfat etdiyini deyib.

1news.az-ın məlumatına görə, S.Xanlarov bildirib ki, xanımı uzun müddət xərçəng xəstəliyindən əziyyət çəkib: “Çox pisəm. İki övladım anasız qaldı”.

Bir qədər sonra aktyorun bacısı Vəfa Xanlarova adıçəkilən sayta zəng edərək məlumatın doğru olmadığını bildirib. Qardaşının hansı səbəbdən belə addım atdığını anlaya bilmədiyini deyən V.Xanlarova onun bu hərəkətini pisləyib:

“Onun yoldaşı sağdır. Düzdür, xəstədir. Amma indi öz evində, övladlarının yanındadır. Ayıbdır. Onlar ailəlidirlər. Çox xahiş edirəm, bu xəbəri silin. Yalan məlumatdır. Yazıq anamın ürəyi gedib, atamın vəziyyəti pisdir. Hamiləyəm, xəbəri oxuyandan özümə gələ bilmirəm. Bilmirəm o niyə belə eləyir. Yəqin ki, reklam axtarır. Amma belə reklam olmaz".

Sonradan S.Xanlarov həyat yoldaşının ölümü ilə reklam olunması xəbərlərinə aydınlıq gətirərək rəhmətə gedən şəxsin həyat yoldaşı deyil, sevgilisi olduğunu bildirib:

 “Rəhmətə gedən mənim həyat yoldaşım deyil, sevgilimdir. O, xərçəng xəstəliyindən əziyyət çəkirdi. Sosial şəbəkə istifadəçiləri yazır ki, arvadının ölümü barədə xəbər yayaraq özünü reklam edir. Kimin nəyinə lazımdır? Nə deyirəm, nə danışıram özüm bilərəm.

Həyat yoldaşım sağ-salamatdır, övladlarımın yanındadır. Niyə ölsün ki?! İki balam var”.

Babək Cahandarov