İspaniya Superkuboku: “Barselona” yenə “Real”a məğlub oldu – VİDEO

İspaniya Superkuboku uğrunda cavab oyunu keçirilib.

1news.az-ın məlumatına görə, ilk oyunda səfərdə “Barselona”nı 3:1 hesabı ilə məğlub edən Madrid “Real”ı bu dəfə rəqibini doğma arenada qonaq edib.

İkinci oyunda da üstün oyun nümayiş etdirən “Real” Kataloniya klubunun qapısından iki cavabsız top keçirməklə həm növbəti dəfə “El-Klasiko”nun qalibi olub, həm də Superkuboka sahib çıxıb.

Bununla da tarixində 10-cu dəfə İspaniya Superkubokunu qazanan “Real” yeni mövsümdə 2-ci tituluna yiyələnib.

Xatırladaq ki, Madrid klubu ötən həftə UEFA Superkubokunu da başı üzərinə qaldırmışdı.

İspaniya Superkuboku

Cavab oyunu

16 avqust

“Real” – “Barselona” – 2:0

Asensio, 4, Benzema, 35

İlk oyun – 3:1

Babək Cahandarov