Qurban bayramı ilə əlaqədar Bakıda yarmarkalar təşkil olunacaq - SİYAHI

Sentyabr ayının 1-də səhər saat 9:00-dan etibarən Qurban Bayramı ilə əlaqədar əhalinin qurbanlıq heyvanlara olan tələbatının daha dolğun ödənilməsi, eləcə də süni qiymət artımının qarşısının alınması məqsədilə Kənd Təsərrüfatı Nazirliyi İqtisadiyyat Nazirliyi ilə birlikdə Bakı şəhərində təşkil etdiyi qurbanlıq heyvanların satış yarmarkaları fəaliyyətə başlayacaq.

1news.az-a Kənd Təsərrüfatı Nazirliyindən verilən məlumata əsasən,  bu il yarmarkalarda ilk dəfə olaraq Kənd Təsərrüfatı Nazirliyinin tabeliyində olan Dövlət Kənd Təsərrüfatı İstehsalı Müəssisələrində (DKTİM MMC-lər) yetişdirilən xırda buynuzlu erkək heyvanlar satışa çıxarılacaq.

Qurbanlıq heyvanların satışı aşağıdakı ünvanlarda təşkil olunacaq:

Nərimanov rayonu

- Əliyar Əliyev küçəsi  26 Keşlə bazarının yanı;

Xətai rayonu

- "Nargilə" kafesinin yanı;

Səbail rayonu

- Badamdar qəsəbəsi Seymur Məmmədov küçəsi 8 (Parkın yanı)

Yasamal rayonu

- Şərifzadə küçəsi  196  "İdeal" şadlıq sarayının həyəti;

S.Xankişiyeva