U-21 millimiz Samir Ələkbərova tapşırılıb

21 yaşadək futbolçulardan ibarət milli komandamız müvəqqəti olaraq Samir Ələkbərova tapşırılıb.

1news.az AFFA-nın rəsmi saytına istinadən xəbər verir ki, Məşqçilər Komitəsinin təklifinə əsasən, U-21 milli komandamızı Avropa çempionatının seçmə qrup mərhələsi çərçivəsində oktyabr və noyabr aylarında keçirəcəyi oyunlarda meydana Samir Ələkbərov çıxaracaq.

Baş məşqçinin qərarına əsasən, bu müddət üçün Aslan Kərimov və Cahangir Həsənzadə köməkçi-məşqçi vəzifəsinə təyin ediliblər.

1news.az