Erməni deputat ölkəsinin Müdafiə Nazirliyinin rəsmilərini ifşa edib
Ermənistan ordusu ancaq xarici havadarlarının hesabına döyüş qabiliyyətinə malikdir.
1news.az-ın AZƏRTAC-a istinadla verdiyi xəbərə görə, bunu Ermənistanda fəaliyyət göstərən “Tsarukyan” blokunun üzvü, deputat Napoleon Əzizyan news.am saytının müxbiri ilə söhbətində bildirib.
Bununla da ermənistanlı deputat ötən il aprel döyüşlərindən sonra Ermənistanın, o cümlədən bu ölkənin Müdafiə Nazirliyi rəsmilərinin öz ordularının “gücü, qüdrəti, yüksək peşəkarlığı, döyüş qabiliyyəti” barədə bir-birinin ardınca verdikləri pafoslu, reallığı əks etdirməyən bəyanatlarını ifşa edib.
“Bu gün bizim döyüş qabiliyyətli ordumuz var” fikri sizə nəsə demir? Bu cür məhdud büdcə şəraitində döyüş qabiliyyətli ordumuzun olmasında xarici havadarlar amili əsas rol oynayır”, - deyə deputat N.Əzizyan bildirib.
S.Xankişiyeva
