“Qarabağ” – “Roma” oyununun hakimləri məlum oldu
Futbol üzrə UEFA Çempionlar Liqasının qrup mərhələsinin ikinci turu çərçivəsində keçiriləcək “Qarabağ” – “Roma” matçının hakimləri müəyyənləşib.
1news.az-ın məlumatına görə, Bakıda keçiriləcək görüşü portuqaliyalı hakimlər briqadası idarə edəcək.
Sentyabrın 27-də Bakı Olimpiya Stadionunda oynanılacaq görüşün baş hakimi Artur Dias olacaq. Ona həmyerliləri - yan xətt hakimləri Rui Tavares və Paulo Soares kömək edəcəklər. Dördüncü hakim funksiyasını Bruno Rodriges yerinə yetirəcək. Matçın hakim-inspektoru Haim Yakov (İsrail), UEFA nümayəndəsi estoniyalı Oleq Xarlamovdur.
Bu qrupun digər oyununda “Atletiko Madrid” klubu “Çelsi”ni qəbul edəcək.
Qeyd edək ki, sentyabrın 27-də Bakı Olimpiya Stadionunda keçiriləcək “Qarabağ” – “Roma” qarşılaşması saat 20:00-da başlayacaq.
Babək Cahandarov
