Avro-2017: Millimiz Almaniyanı məğlub edərək 1/4 finala yüksəldi
Qadın voleybolçular arasında Avropa çempionatında qrup mərhələsinə yekun vurulub.
1news.az-ın məlumatına görə, A qrupunda yer alan Azərbaycan millisi III turda Almaniya yığması ilə qarşılaşıb.
Milli Gimnastika Arenasında keçirilən qarşılaşmanı Prezident İlham Əliyev də izləyib.
Faiq Qarayevin yetirmələrinin üstün olduğu görüşdə komandamız 3:1 hesabı ilə qələbə qazanıb.
Beləliklə, “A” qrupunda keçirdiyi üç görüşün hamısında parlaq qələbə qazanaraq ən yüksək nəticə göstərən Azərbaycan voleybolçuları 1/4 finala birbaşa vəsiqəni təmin ediblər.
Milli komandamız əvvəlki görüşlərdə Macarıstan və Polşa yığmalarına 3:0 hesabı ilə qalib gəlib. “A” qrupundan Polşa və Almaniya yığma komandaları mübarizəni pley-offda davam etdirəcəklər.
Dörddəbir finala birbaşa vəsiqənin digər sahibləri İtaliya, Rusiya və Serbiya milli komandalarıdır.
Avro-2017
Qrup mərhələsi
25 sentyabr
A qrupu
III tur
Almaniya – Azərbaycan - 1:3 (25:19, 19:25, 18:25, 18:25)
Hakimlər: Stefan Takayçvili (Gürcüstan), Vladimir Oleynik (Rusiya)
Babək Cahandarov
