Bakıda İtaliya-Azərbaycan əlaqələrinin 25 illiyi qeyd olunub - FOTO
“Azərkitab kitab təbliğatı Mərkəzində” İtaliya-Azərbaycan əlaqələrinin 25 illiyi, iqtisadi əlaqələrin 20 illiyi və Neapolla Bakı şəhərlərinin qardaşlaşmasının 45 illiyinə həsr olunan tədbir keçirilib.
1news.az-ın məlumatına görə, “Azərkitab” və Neapol- Bakı Asossasiyasının təşkilatçılığı ilə keçirilən tədbirə İtaliyanın Azərbaycandakı səfirinin 1-ci müavini Umberto Boeri, Neapol- Bakı Asossasiyasının prezidenti Cüzeppe Kaniqliya, BMT-nin qaçqınlar üzrə ali komissarlığının Azərbaycan nümayəndəliyinin rəhbəri Furio De Angelis, İtalıyanın Azərbaycanda fəaliyyət göstərən şirkətlərinin nümayəndələri, İtaliya ilə sıx təmasda olan yerli iş adamları iştirak ediblər.
Neapol- Bakı Asossasiyasının həmsədri Elnur Camalxanov İtaliyanın Azərbaycanın müstəqilliyini tanıyan ilk ölkələrdən olduğunu, ulu öndər Heydər Əliyev hakimiyyətə qayıdışı ilə bu münasibətlərin daha da gücləndiyini vurğulayıb.
Bilidirib ki, ümummilli liderin 1997- cu il 24-27 sentyabr tarixlərində İtaliyaya ilk rəsmi səfəriylə əsaslı iqtisadi əlaqələrin təməli qoyulub.
Daha sonra italyan dilində nümayiş etdirilən müstəqilliyimizə həsr olunan sənədli filmdə Heydər Əliyev - müasir Azərbaycanın qurucusu və memarı kimi təqdim olunub.
Tədbirdə Neapol-Bakı qardaşlığına aid, eləcə də “Qafqazdan Apenninə” sənədli filmləri göstərilib.
Tədbirdə çıxış edən İtaliyanın Azərbaycandakı fövqəladə və səlayhiyyətli səfirinin birinci müavini Umberto Boeri, İtaliya Azərbaycan münasibətlərinin artıq strateji tərəfdaşlıq həddinə çatdığını bildirib.
Diplomat Neapol- Bakı Asossasiyasının ölkələrimiz arasında dostluq və işguzar əlaqələrin genişləndirməsində gördüyü işləri təqdirəlayiq hesab etdiyini vurğulayıb.
Sonda Neapol- Bakı Asossasiyasının həmsədri Elnur Camalxanov İtaliyanın Azərbaycandakı səfiri Aqusto Massari və Xətai Rayonun icra başçısı Razi Məmmədova çatdırmaq üçün hər iki təşkilatın nümayəndələrinə, eləcə də “Azərkitab kitab təbliğatı Mərkəzin”nin layihə rəhbəri Sabir Həsənova Assosasiyanın xüsusi medallarını təqdim edib.
Babək Cahandarov
