SAM-ın 10 illik yubileyinə həsr edilmiş sərgi keçirilib – FOTO
Bu gün Azərbaycan prezidenti yanında Strateji Araşdırmalar Mərkəzinin (SAM) 10 illik yubileyinə həsr edilmiş kitab sərgisi keçirilib.
1news.az-a SAM-ın mətbuat xidmətindən verilən məlumata görə, sərginin əsas məqsədi oxucuları qurumun geridə qoyduğu on hesabat ili ərzində ölkədə, regionda və beynəlxalq aləmdə baş verən proseslərin təhlilinə, eyni zamanda Ermənistan-Azərbaycan Dağlıq Qarabağ münaqişəsinə dair yerli və xarici ekspertlər tərəfindən yazılan nəşrlərlə yaxından tanış etməkdən ibarətdir.
Sərgidə müxtəlif dillərdə nəşr edilən çap məhsulları ilə yanaşı, SAM-ın beynəlxalq və yerli jurnalları, eləcə də mərkəzin xüsusi nəşrləri də nümayiş etdirilib.
Qeyd edək ki, sərginin sonunda SAM-ın nəşrlərinin bir qismi oxuculara hədiyyə edilib.
S.Xankişiyeva
