Meksika və Azərbaycan miqrasiya sahəsində əməkdaşlığı müzakirə edib
Noyabrın 10-da miqrasiya sahəsində əməkdaşlığın mümkün formalarını müzakirə etmək məqsədilə Meksikanın Azərbaycandakı səfiri Rodriqo Labardini ilə Dövlət Miqrasiya Xidmətinin rəisi Firudin Nəbiyevlə görüşüb.
1news.az-a səfirlikdən verilən məlumata görə, Xidmət rəisi rəhbərlik etdiyi qurum haqqında qısa məlumat verib, onun tarixi, həyata keçirdiyi əsas fəaliyyət və səlahiyyətləri barədə danışıb. Bundan əlavə, insanların beynəlxalq axınını tənzimlənən formada möhkəmləndirəcək xarici ölkələr və beynəlxalq təşkilatlarla əlaqələrin inkişafı vacibliyindən söz açıb.
Səfir Labardini, öz növbəsində, son iki onillikdə Meksikada baş verən dəyişiklik və inkişaf haqqında məlumat verib. Bu xüsusda, Meksika iqtisadiyyatı və onun inkişafına töhfə verən müxtəlif sektorların əsas göstəricilərini diqqətə çatdırıb. Turizm sahəsinə gəldikdə qeyd olundu ki, dünyanın ən çox ziyarət olunan 8-ci ölkəsi olan Meksika il boyu 35 milyon turist qəbul edir, bu isə miqrasiya sahəsi üzrə böyük problemlər yaradır.
Diplomat əsasən də turizm inkişaf etmiş ölkələrdə miqrasiya xidmətinin vacibliyini vurğulayıb. Bununla bağlı olaraq Meksikanın Milli Miqrasiya İnstitutunun fəaliyyətindən söz açıb, belə ki, qurum bir sıra dövlət orqanları ilə əlaqələndirmə işi əsasında ölkədə baş verən bütün miqrasiya proseslərini tənzimləyir və onlara nəzarət edir.
Daha sonra tərəflər beynəlxalq təşkilatlar çərçivəsində əməkdaşlıq əlaqələri haqqında söhbət ediblər. Qeyd olundu ki, hər iki ölkənin miqrasiya xidmətləri arasında əlaqələrin qurulması, təcrübə və fikir mübadiləsi xalqların daha da yaxınlaşmasına xidmət edəcək. Bununla belə, tərəflər qarşılıqlı səfərlərin həyata keçirilməsi və hüquqi bazanın möhkəmlənməsinin zəruriliyini ifadə ediblər.
P.Sultanova