Facebook istifadəçiləri sui-qəsd hallarından xilas edəcək
Facebook sosial şəbəkəsi sui-qəsdlərin profilaktik həll yolunu tapıb.
1news.az-ın technote.az-a istinadla verdiyi xəbərə görə, əsasən yeniyetmələr arasında rast gəlinən bu problemin aradan qaldırılmasında sosial şəbəkəyə süni zəka texnologiyası yardımçı olacaq.
Tərtibatçılar mütəmadi olaraq süni zəka texnologiyasını yeniləyirlər. Bu isə öz növbəsində Facebook istifadəçiləri arasında potensial sui-qəsd etmək istəyənləri daha effektiv tapmaqda süni zəkaya yardımçı olacaq.
Facebook-un təsisçisi Mark Zukerberqin məlumatına əsasən süni zəka sistemi paylaşımları, ismarışları və Facebook Live canlı yayımlarını analiz edəcək. Əgər süni zəka analiz zamanı istifadəçidə sui-qəsd istəyi aşkar edərsə, onda xüsusi təlimatlanmış moderatorlara xəbər veriləcək. Həmin moderatorlar da bu cür təhlükənin ola biləcəyini dəqiqləşdirəndən sonra həmin şəxsin dostları və ailə üzvləri bu barədə xəbərdarlıq alacaqlar.
Bu halda istifadəçilər öz yerlərinin təyin edilməsi funksiyasını deaktiv edə bilməyəcəklər. Daha əvvəllər bu cür hallar barədə məlumatlar sui-qəsd etmək və ya bu niyyətdə olan şəxsin dostları və ailə üzvləri tərəfindən moderatorlara bildirilirdi. Onlar isə öz növbəsində yardım xidmətinə müraciət edirdilər. İndi isə Facebook bu cür halları şəxsin dostları və ailə üzvlərindən daha tez təyin edə biləcək.
S.Xankişiyeva