MFL League of Nations 2018 - Azərbaycanın ən böyük həvəskar liqasının yeni superturniri
Azərbaycanın ən böyük həvəskar futbol liqası olan MFL planetin ən məşhur idman növünün azarkeşlərini öz ətrafında birləşdirməkdə davam edir.
“MFL Arena”nın meydançalarında ikinci mövsümün ən yaxşılarını müəyyən etmək uğrunda mübarizə aparan həvəskar futbolçuların ehtiraslarının coşduğu bir vaxtda tamamilə yeni bir çempionat - MFL League of Nations 2018 start götürdü. Bu çempionat müxtəlif ölkələrin Azərbaycandakı diplomatik nümayəndəliklərində çalışan futbol həvəskarlarını birləşdirdi.
Bazar günü “MFL Arena”nın meydançalarında yeni unikal layihənin rəsmi açılış mərasimi keçirildi. Açılış mərasimində MFL-in rəhbər şəxsləri, o cümlədən direktor Rəhman Hacıyev və AFFA-nın baş katibinin müavini Sərxan Hacıyev də iştirak ediblər. Layihə AFFA-nın birbaşa dəstəyi ilə həyata keçirilir.
İşrirakçılar qarşısında çıxış edən Rəhman Hacıyev qeyd edib ki, MFL üçün bu turniri keçirmək çox xoşdur: “Futbol elə bir idman növüdür ki, bütün dünyada milyonlarla insanı bir araya gətirir. Bu il futbol üzrə dünya çempionatı keçiriləcək. Biz isə öz növbəmizdə bu gün bir neçə ay davam edəcək mini dünya çempionatına start veririk. Bütün iştirakçılara uğurlar arzu edirəm, qoy ən güclü qalib gəlsin”.
Öz növbəsində Sərxan Hacıyev turnirin başlaması münasibətilə iştirakçıları təbrik edib: “Bu əla bir təşəbbüs olmaqla yanaşı sağlam həyat tərzini, futbolun inkişafını və ümumilikdə idmanı təbliğ edir. Biz turnirin təşkilində MFL-ə dəstək göstərməkdən məmnunuq və maraqlı turnirin keçirilməsini gözləyirik”.
MFL League of Nations 2018-də 12 səfirliyin, eləcə də BMT-nin komandası iştirak edir. Onlar iki Konferensiyaya bölünüblər. A Konferensiyasında ABŞ, Malayziya, Ukraina, Əlcəzair, Gürcüstan, Yaponiya və BMT-nin komandaları yer alıb. B Konferensiyasında isə Türkiyə, Rusiya, İran, Türkmənistan, Sudan, eləcə də Dünya Bankının və İsveçrə səfirliyinin birləşmiş komandası mübarizə aparacaq.
İlk turdan sonra turnir cədvəlində vəziyyət belədir:
Bombardirlərin və assistentlərin yarışı da gərgin və maraqlı mübarizə vəd edir. Artıq ilk turdan sonra bəzi oyunçular bu sahədə seçilməyə başlayıblar.
Liqanın oyunlarının 9 həftə davam edəcəyi planlaşdırılır. Hər bir Konferensiyada yer alan komandalar öz aralarında oynayacaqlar, bunun nəticəsində isə 1/4 finalda oynamaq hüququ qazana cütlüklər müəyyən ediləcək.
MFL League of Nations 2018 turnirinin keçirilməsi diplomatik nümayəndəlikləri vahid turnirdə birləşdirməkdə köməklik göstərən Əlcəzair səfirliyi tərəfindən fəal dəstək qazandı. Bu fikir digər səfirliklər tərəfindən də böyük coşğu ilə qarşılandı. Beləliklə də MFL League of Nations 2018 yaradıldı.
Bazar günü ilk turun oyunları keçirildi və bu oyunlarda bir dənə də olsun heç-heçə nəticə qeydə alınmadı.
Dünya Bankının və İsveçrə səfirliyinin birgə komandası, Sudan, Türkmənistan, ABŞ, Ukrayna və Əlcəzair müvafiq olaraq Rusiya, Türkiyə, İran, Yaponiya, Malayziya və Gürcüstanın komandalarına qalib gəldilər.
Növbəti turun oyunları fevralın 11-də keçiriləcək. Martın 18-də, son turdan sonra isə hər iki konferensiyadan pley-off-a vəsiqə qazanan səkkiz komandanın adı məlum olacaq. MFL League of Nations 2018 turnirinin ilk kuboku uğrunda da bu səkkiz komanda mübarizə aparacaq.
Teymur Maksutov
