Qanunsuz ov edən şəxs 1000 manat cərimələndi | 1news.az | Xəbərlər
Cəmiyyət

Qanunsuz ov edən şəxs 1000 manat cərimələndi

16:48 - 24 / 08 / 2018
Qanunsuz ov edən şəxs 1000 manat cərimələndi

20 avqust 2018-ci il tarixində Xızı rayonunda yerləşən Yaşma ovçuluq təsərrüfatının ərazisində ov qaydalarının pozulması ilə bağlı daxil olmuş məlumat Ekologiya və Təbii Sərvətlər Nazirliyinin əməkdaşları tərəfindən dərhal yerində araşdırılıb.

Nazirlikdən 1news.az-a verilən məlumata görə, araşdırma zamanı ərazidə ov qaydalarının pozulması faktı təsdiqini tapıb. Qanunsuz ov edən şəxsin Bakı şəhər sakini Emin Rəsulov olduğu müəyyənləşdirilib.

Faktla bağlı qanunamüvafiq tədbir görülüb və E.Rəsulov 1000 manat məbləğində cərimə edilib.

Eyni zamanda vəzifəsini layiqincə yerinə yetirmədiyinə görə əraziyə cavabdeh olan ovçuluq təsərrüfatının sahə müfəttişi Ə.Məcidov barəsində intizam tənbeh tədbiri görülüb.

S.Xankişiyeva

 

Paylaş:
442

Son xəbərlər

Bütün xəbərlər