İranlı model Fəxriyyə Evcenin qısqanclığının qurbanı oldu – FOTO

Türkiyənin məşhur aktrisası Fəxriyyə Evcen həyat yoldaşı, aktyor Burak Özçivitə qarşı olduqca qısqanc olması mətbuata çoxdan bəllidir.  

1news.az-ın verdiyi xəbərə görə, Fəxriyyənin budəfəki qısqanclığı iranlı model Mahlaqa Caberi ilə bağlı olub.

Belə ki, model Burakın Instagram-dakı fotosuna “Yaraşıqlı” şərhini yazıb. Model aktyor tərəfindən dərhal blok edilib.

“Burakı bir çox serial və filmlərdən tanımışam. Və o, aktyor kimi çox xoşuma gəlir. Şərhi də onun pərəstişkarı kimi yazdım. Bundan sonra bloklandım. Bunun nə ilə bağlı olduğunu anlamadım”, - deyə M.Caberi bildirib.

İranlı model bunun nə ilə bağlı olduğunu bilməsə də, türk mətbuatı Fəhriyyənin qısqanclığı ilə əlaqələndirir.

Xatırladaq ki, aktrisa həyat yoldaşını rumın müğənni İnnaya da qısqanmışdı. Belə ki, İnna ilə B.Özçivit reklama çəkilən zaman F.Evcen də çəkilişlərdə iştirak etmişdi.

S.Xankişiyeva