Səfir: Azərbaycanla turizm sahəsində əməkdaşlığın inkişafına ümid edirik

Yaponiya ilə Azərbaycan arasında energetika sahəsi  başda olmaqla bir sıra sahələrdə əlaqələr dərinləşir, inkişaf edir.

1news.az xəbər verir ki, bunu Yaponiyanın Azərbaycandakı səfiri Tereyuku Katori jurnalistlərə deyib.

Diplomat tərəflər arasında  kənd təsərrüfatı və turizm sahəsində əməkdaşlığın dərinləşdirilməsi üçün addımlar atılacağına ümid etdiyini deyib:

"Ölkələrimiz arasında ticarət əlaqələri surətlə inkişaf edir. İllik ticarət  dövriyyəsi təxminən 1 milyard dollar  təşkil edir.  Azərbaycandan Yaponiyaya neft və  kənd  təsərrüfatı məhsullarının ixracı həyata keçirilir".  

O bildirib ki,  bu il Yaponiyanın xarici işlər naziri 19 illik fasilədən sonra  Bakıya rəsmi səfər etdi və bir sıra yüksək səviyyəli görüşlər keçirdi: "Yaponiyada yeni imperatorun hakimiyyətə gəlişindən sonra Azərbaycanla əlaqələrin daha da inkişaf edəcəyinə əminik".

P.Sultanova