Azərbaycan - Avropa İttifaqı danışıqlarının TARİXİ açıqlanıb

Azərbaycan və Avropa İttifaqı arasında yeni saziş üzrə danışıqların növbəti mərhələsi yanvarın 28-29-da keçiriləcək.

Bu barədə 1news.az-a Avropa İttifaqının Azərbaycandakı nümayəndəliyinin rəhbəri, səfir Kestutis Yankauskas deyib.

Onun sözlərinə görə, danışıqlar Brüsseldə baş tutacaq, Azərbaycan nümayəndə heyətinə xarici işlər nazirinin müavini Mahmud Məmməd-Quliyev rəhbərlik edəcək.

Səfir yeni saziş üzrə danışıqların intensiv xarakter aldığını vurğulayıb.

Xatırladaq ki, saziş layihəsi üzrə sonuncu müzakirələr ötən il 4-6 dekabr tarixlərində Bakıda keçirilib.

P.Sultanova