Mnatsakanyan: Qarabağ danışıqları status və təhlükəsizlik ətrafında aparılır
Dağlıq Qarabağ danışıqları status və təhlükəsizlik ətrafında aparılır.
1news.az erməni mətbuatına istinadla xəbər verir ki, bunu Ermənistanın xarici işlər naziri Zöhrab Mnatsakanyan deyib.
O bildirib ki, Qarabağ münaqişəsinin nizamlanmasındakı mövqelərindən kənara çıxmırlar.
Onun sözlərinə görə, bəzi dairələrin cəmiyyətlərin sülhə hazırlanmasına dair açıqlamaları məğlubiyyət kimi qəbul etmələri onun üçün qəribədir:
"Biz bəyan etdiklərimizdən kənara çıxmırıq. Əminəm ki, münaqişənin sülh yolu ilə həllini yalnız ATƏT-in Minsk qrupunun həmsədrliyi çərçivəsində nəzərdə tutan prinsiplər əsasında aparıldığını bildirən zaman mövqeyimizdən kənara çıxmırıq.
Ən əhəmiyyətli olan - status və təhlükəsizlik məsələləri Ermənistan üçün prioritet olaraq qalır. Bunun ətrafında danışıqlar aparılır".
"Qarabağ"ın danışıqlar prosesinə cəlb edilməsi barədə danışan xarici işlər naziri qeyd edib ki, bu, ardıcıl işdir.
"Bu, konkret praktik bir məsələdir. Əgər nəsə dərhal alınmırsa, bu, bizim unutduğumuz anlamına gəlmir ", deyə Z. Mnatsakanyan qeyd edib.
P.Sultanova
