BƏƏ səfiri iki ölkə arasında münasibətlərin inkişafına verdiyi töhfəyə görə mükafat alıb - FOTO
Bakıda yerli aparıcı biznes jurnalı olan "Business Time" tərəfindən illik milli "Azeri Business Award 2018 " mükafatlandırma mərasimi keçirilib.
1news.az xəbər verir ki, tədbir jurnalın 10 illik yubileyinə təsadüf edib.
Mərasim aparıcı şirkətlərin nümayəndələri, menecerləri, iqtisadiyyatın müxtəlif sahələri üzrə peşəkarları bir araya toplayıb.
Mərasimdə “Ölkələrimiz arasında ikitərəfli münasibətlərin inkişafına verdiyi töhfəyə görə” əsas mükafata Birləşmiş Ərəb Əmirliklərinin Azərbaycandakı fövqəladə və səlahiyyətli səfiri əlahəzrət Mohamed Alqubaisi layiq görülüb.
Bakıda missiyasına başladıqdan etibarən əlahəzrət Mohamed Alqubaisin əsas hədəfi BƏƏ və Azərbaycan arasında ikitərəfli əlaqələrin mövcud iqtisadi potensialından maksimum yararlanmaq idi. Bundan öncə Sinqapurda olan diplomatik missiyası dövründə, BƏƏ ilə Sinqapur arasında ticarət əlaqələrinin üç dəfə artımını təmin etmiş səfir qazandığı böyük təcrübə və uğurlu nəticələrlə BƏƏ və Azərbaycan arasında ikitərəfli ticarət dövriyyəsinin həcmini artırmaq səylərini davam etdirir.
Əlahəzrət cənab səfir iki ölkə arasında ticarət və turizm əlaqələrini daha yaxşı formada etmək hədəfinə nail olmaqda Azərbaycan Prezidenti cənab İlham Əliyev, eləcə də Azərbaycan hökuməti, Xarici İşlər Nazirliyi tərəfindən daim dəstək alıb.
Azərbaycan davamlı inkişaf və biznes sahəsində yeni nailiyyətlər qazanmaq üçün nəhəng potensialı olan ölkədir. Və səfir BƏƏ-Azərbaycan Ticarət Məclisi adlanan biznes müzakirələri və tərəfdaşlıq platformasını yaratmaq təşəbbüsü ilə çıxış edib. Diplomatik missiyası ərzində BƏƏ-nin iki hava yolları şirkəti Azərbaycana birbaşa uçuşlar həyata keçirməyə başlayıb, turist axını artıb, BƏƏ iş adamları tərəfindən Azərbaycanın qeyri-neft sənayesinə maraq böyüyüb.
Səfir Alqubaisi hər zaman mövcud ikitərəfli münasibətlərin daha da inkişaf etdirmək üçün yeni təşəbbüsləri, fikirləri və təklifləri alqışlayır və inanır ki, Azərbaycan hökumətiinin dəstəyilə gələcəkdə daha böyük nailiyyətlər əldə olunacaq.
P.Sultanova
