ABŞ Konqresinin daha bir üzvü Xocalı soyqırımı ilə bağlı bəyanat verib
ABŞ-ın nüfuzlu konqresmenlərindən olan, Ohayo ştatını təmsil edən Tim Ryan (Demokrat) Xocalı soyqırımı ilə bağlı bəyanat verib.
1news.az-a Səfirlikdən verilən xəbərə görə, Xocalı faciəsi qurbanlarının xatirəsinin yad olunduğu bəyanatda 1992-ci ilin fevralında günahsız insanların misli görünməmiş dəhşətli qırğınının 27 il sonra belə insanı sarsıtdığı bildirilib.
Cənubi Qafqazda ən qəddar amansızlıqlardan biri olan bu hadisə ilə bağlı ədalətin hələ də təmin olunmadığı, 150 mülki şəxsin aqibətinin indiyədək bilinmədiyi diqqətə çatdırılıb.
T.Rayn vurğulayıb ki, beynəlxalq aləmdə insan hüquqları və demokratiya tələb edilərkən Xocalıda baş verənlər xatırlanmalı və hadisənin törədən şəxslər məsuliyyətə cəlb olunmalıdırlar.
Qeyd edək ki, bu, Xocalı soyqırımı ilə bağlı cari ildə ABŞ Konqresində verilmiş sayca dördüncü bəyanatdır. Konqresmen Tim Rayndan əlavə, Əlsi Heystinqz, Virciniya Foks və Stiv Koen də bəyanatlarla çıxış ediblər.
ABŞ Konqresinin üzvü Xocalı soyqırımı ilə bağlı bəyanat verib
S.Xankişiyeva
