Prezident İlham Əliyev: “Mənim işim xalqa xidmət etməkdir”

Ağsuda baş vermiş zəlzələ ilə əlaqədar müvafiq göstərişlər verilib. Dağılmış evlərin yerində artıq bu gün yeniləri tikilir. Bütün dağılmış evlər qısa müddət ərzində yenidən tikiləcək, qəzalı evlər əsaslı şəkildə təmir olunacaq.

1news.az xəbər verir ki, bunu Prezident İlham Əliyev Ağsuya səfəri zamanı sakinlərlə görüşündə deyib.

Vəzifəsinin xalqa xidmət etdiyini deyən dövlət başçısı vətəndaşları narahat edən problemlərin həlli üçün bütün lazımi addımların atılacağını söyləyib:

“Mən bu gün gəlmişəm ki, işlərə özüm nəzarət edim, müvafiq göstərişlər verim və sizinlə görüşüm. Burada mənə verilən məktubların hər birinə baxılacaq. Narahat olmayın, zəlzələdən uçan bütün evlər yenidən tikiləcək.

Mən gəlmişəm ki, problemləri həll edim. Mənim işim sizə xidmət etməkdir. Mən öz vəzifəmi bunda görürəm. Prezident kimi həmişə çalışmışam ki, Azərbaycan xalqına ləyaqətlə xidmət edim. Vətəndaşları narahat edən problemlərin həlli üçün bütün lazımi addımlar atılacaq”.

1news.az